Brobberstova

Tlf. 21 91 85

Vit eru ein vøggustova við 14 børnum í aldrinum 0-3 ár og 4 starvsfólkum.

Tað sum er grundarsteinurin í vøggustovuni er nærvera, tryggleiki og foreldrasamstarv. 

Vit leggja stóran dent á innkoyringar, hettar so at børn og foreldur koma væl inn í húsið og føla seg væl inni á stovuni. Eisini hava vit eitt tætt samstarv við foreldrini hvønn dag, vit spyrja foreldrini um ráð, og siga teimum frá um dagligdagin hjá barninum her.

Okkara arbeiði er mest møguligt á gólvinum, í barnahædd, vit spæla, lesa søgur og eri til taks hjá barninum, tá tey hava tørv á tí.

Vit leggja eisini stóran dent á málmenning, vit syngja nógv, lesa nógv søgu og hava málspøl.

Eisini eru vit nógv úti í okkara stóra góða garði og spæla. Her eru sera góðir karmar til at mennast og stimbrast á allan hátt. 

Hvønn týsdag eru vit í Fimi við teimum størru børnunum. 

Starvsfólk :  

  • Haldóra Holm, námsfrøðingur
  • Guðrið Thomsen, hjálparfólk
  • Gisla Poulsen, hjálparfólk
  • Hildibjørg Nielsen, námsfrøðingur

Smærustova

Tlf. 21 91 86

Í Smærustovu ganga 18 fitt og lívlig børn í aldrinum 3-6 ár og arbeiða her 4 fittligar og avgjørdar konur:)

Í gerandisdegnum brúka vit nógva tíð úti í garðinum, súkkla, sparka, reiggja, klatra, gera sandkakur og hugna okkum í ánni. 

Inni hava vit nógvar spælikrógar, har vit kunnu spæla bil, lego, rolluspøl og dukkur. Eisini spæla vit borðspøl, putsla og tekna. 

Í rørslurúminum kunnu vit rokast, gera banar og spæla rørsluspøl, meðan vit á verkstaðnum kunnu avprøva okkara kreativu evnir. 

Eisini dámar okkum væl at syngja og hugna okkum við góðum søgum og sangi.

Alt hetta krevur nógva orku, og tí hvíla vit okkum og slappa av við søgum á miðdegi.

Starvsfólk:

  • Eydna Ísheim, námsfrøðingur
  • Rúna Dalsgarð, hjálparfólk.
  • Angeleen Poulsen Hellisdal, hjálparfólk
  • Jacobina Kristiansen, hjálparfólk
  • Eir Olsen, hjálparfólk

Sóljustova

Tlf. 21 91 87

Í Sóljustovu ganga 20 í aldrinum 3-7 ár og her arbeiða 3 starvsfólk.

Okkara námsfrøðiliga arbeiði á stovuni byggir á trivna, nærveru og samstarv. Í tí dagliga arbeiðinum verður dentur lagdur á at øll børn eru við í spælinum, tí tað er ígjørgnum spæli hjá børninum, vit síggja at børnini menna samskifti, vinarløg, kenslan at hoyra til, kropsvitan, hugflog og mangt annað.

Vit leggja stóran dent á at hava eitt gott og tætt samskiftið við foreldini, tí hettar síggja vit sum bestu karmar fyri at barnið kann mennast bæði persónliga og sosialt.

Starvsfólk :

  • Hildur K. Poulsen, námsfrøðingur
  • Rannvá Olsen, námsfrøðingur
  • Kristín Sveina Bjarnaottir, hjálparfólk

Børkustova

Tlf. 21 91 94

Børkustova er ein vøggusstovustova við børnum frá 0-3 ár. 

Børkustova opnaði 1.apríl 2017, 4 børn byrjaðu 1.apríl, 4 børn byrjaðu 15 apríl og tey sístu 4 børnini byrjaðu 1.mai. 

Tá í øll børnini eru væl innkoyrd og vit hava fingið ein vanligan dagligdag á stovuni, fara vit at seta okkum námsfrøðilig mál fyri stovuna.  

 

Starvsfólk:

  • Anita Vinther Andresen, námsfrøðingur og álitsfólk
  • Kirstin Danielsen, námsfrøðingur
  • Kristianna Marnersdóttir, hjálparfólk
 

Skúlabólkur

Endamálið við at hava skúlabólk er, at vit vilja menna børnini áðrenn tey byrja í fyrsta flokki.

Hetta merkir at vit fara at styrkja tey í :

  • Sosialum førleika
  • Spælið/ Hugflogið
  • Kroppin
  • Vitan um náttúruna
  • Mentan heima og úti  

Vit fara m.a. at læra um hvønn annan, at vit eru ymisk og serstøk, og tí skulu vit hava virðing fyri hvørjum øðrum ;) Vit vilja gera børnini varug við at hjálpa hvørjum øðrum í svárum støðum.

Sjálvsálit og sjálvsvirðing eru grundarlag fyri at virka sum eitt heilt menniskja. Vit geva børnunum avbjóðingar, sum eru við til at styrkja teirra sjálvsálit og sjálvsvirði. Børnini fáa kropsligar og persónligar uppgávur at arbeiða við og bera hetta fram á ymiskan hátt.

Børnini sum eru millum 6 og 7 ár eru sera opin fyri læring og ynskja at læra eina rúgvu :) Tí vilja vit arbeiða við at geva innlit í ymsikt, sum tey hava áhuga í. Tað kann vera spøl, bókstavir, tøl, rím & ramsir og mangt annað.

Vit fara at arbeiða við mentan, mentan í útheiminum og ymsikleikan millum menniskjur og lond. Læra um náttúruna í Føroyum og ymsikir gamlir siðir o.s.fr.